Amandaje Irundyha : Ñe´ẽasa, Ñe´ẽtekuaaty ha Ñe´ẽheta rehegua. 2019 Ypykuéra Ñe´ẽita Yvy Ape Arigua Ary

Abstract

Ko aranduka oñeguenohẽ Ñe’ẽasa, Ñe’ẽtekuaaty ha Ñe’ẽheta rehegua Amandaje Irundyha: 2019, “Ypykuéra Ñe’ẽita Yvy Ape Arigua Ary”-gui, ombosako’ipyre Fundación Yvy Marãe’ỹ, upe 3, 4 ha 5 jasypa 2019 San Lorenzo táva, Paraguái retãme, CONACYT ñepytyvõme.

Upe amandaje rupive, Yvy Marãe’ỹ omopyenda ha omombaretesékuri tapicha katupyry jojuhu omoñepyrũva’ekue amandaje peteĩha, mokõiha ha mbohapyhápe, ojapova’ekuépe 2016, 2017 ha 2018-pe, jahechápa tapicha ohapojo’óva arandu, ñe’ẽasahára, ñe’ẽteekuaahára, ñe’ẽpykuaahára ha tapicha oñemoarandúva ñe’ẽ Paraguái ha tetãnguéra ijerereguápe omoherakuã hembiapokue arandu, upéichante avei tembiapokue ñe’ẽ ñeisãmbyhy ha ñe’ẽ rape’apo rehegua, jahechápa noñepytyvõi Ybya Yala ñe’ẽ teekuéra jeporu ha retepy jerojera ñemombarete, Ypykuéra Ñe’ẽita Yvy Ape Arigua Arýpe.

Mbohapyve árape oñemboguata poteĩ ñomongeta jere ha omog̃uahẽkuri iñapytu’ũ roky 21 tapicha katupyry Paraguái ha ambue tetãygua.

San Lorenzo táva Ñoha’ãngakoty, oiko haguépe ko no’õvusu, omoguahẽ 400 rasa tapichápe, opavave nunga ojejuhuva’ekue upépe hína mbo’ehára, temimbo’e, tembikuaarekahára ha tapicha ohapojo’o ha omyasãiva ñe’ẽ.

Ohechauka potávo oykekoha ko Ypykuéra Ñe’ẽita Yvy Ape Arigua Ary ñemomorã, Yvy Marãe’ỹ oipe’a okẽ ko arýpe ojejepy’amongetávo Ybya Yala ñe’ẽnguéra rehe, jahechápa ojepáy ha ojehechakuaa ivaietehahína pya’eterei ogue rehe oúvo ayvu ko mundopy ha avei Ybya Yala-pe.